Yoshlar uchun imkoniyatlar

2026 yil 24 fevral kuni  Ko‘ksaroy qarorgohida Prezident Shavkat Mirziyoyevning yoshlar bilan uchrashuvida, 60 mingdan ortiq yoshlar vakillari qatnashgan edi. Mamlakatdagi 22 milliondan ziyod yoshlar katta iqtisodiy, ijtimoiy va siyosiy salohiyat ekani, shu bois ular bilan ishlash har bir rahbarning doimiy vazifasiga aylanishi kerakligini ta’kidlagan edi. Vazirlar, hokimlar, ta’lim muassasalari rahbarlari va mas’ullar yoshlarni chet tillari hamda kasb-hunarga o‘qitish, sportga jalb etish, g‘oya va startaplarini qo‘llab-quvvatlash, eng muhimi — ularni ishli va daromadli qilish yo‘lida yanada tizimli harakat qilishi zarurligi qayd etilgan edi. Hech bir yigit-qiz e’tibordan chetda qolmasligi lozimligi uqtirilgan.