Virtual qabulxona
uz O'zbekcha

+998 95 044-23-45 +998 95 048-23-45

info@fjsti.uz fmioz@mail.ru

ish vaqti:

Dush-Shan,9:00-17:00

Xalq tabobati va farmakologiya kafedrasi

Bosh sahifa

Xalq tabobati va farmakologiya kafedrasi

Xalq tabobati va farmakologiya kafedrasi

Kafedra tarixi
1998 yil 15 iyundagi institutning 1-sonli buyrug‘iga asosan “Patologiya asoslari va farmakologiya” kafedrasi “Tibbiy biologiya va kimyo fanlari” kafedrasi tarkibiga kiritildi. Dastlab kafedrada 2 nafar fan nomzodi (dotsent) hamda 1 nafar assistent faoliyat yuritgan. 2004–2005 o‘quv yilidan boshlab “Anatomiya va gistologiya” hamda “Patologiya asoslari va farmakologiya” kafedralari birlashtirilib, “Tibbiy fundamental fanlar” kafedrasi sifatida faoliyat olib bordi. Mazkur kafedraga 2012 yilgacha tibbiyot fanlari nomzodi, dotsent N.Yu.Nishonov rahbarlik qilgan. 2012–2013 yillarda tibbiyot fanlari nomzodi R.M. Shermatov, 2013–2015 yillarda tibbiyot fanlari nomzodi Gʻ.N.Sultonov kafedra mudiri lavozimida ishlagan. O‘tgan yillar davomida kafedrada ko‘plab professor-o‘qituvchilar samarali faoliyat olib borgan. 2020 yilda farmakologiya fani “Epidemiologiya va yuqumli kasalliklar” kafedrasi tarkibiga umumkasbiy fan sifatida kiritildi. O‘zbekiston Respublikasi Prezidentining 2020 yil 3 dekabrdagi PQ–4911-son qaroriga muvofiq Farg‘ona jamoat salomatligi tibbiyot instituti mustaqil oliygoh sifatida tashkil etildi va 2021–2022 o‘quv yilidan “Farmakologiya” mustaqil kafedra sifatida ish boshladi. Hozirda kafedra “Xalq tabobati va farmakologiya” kafedrasi nomi bilan faoliyat yuritmoqda. 2025–2026 o‘quv yilida kafedrada 1 nafar fan nomzodi, 3 nafar dotsent, 3 nafar katta o‘qituvchi, 10 nafar assistent hamda 2 nafar stajyor-o‘qituvchi faoliyat ko‘rsatmoqda.

NISHONOV YUSUF NISHONOVICH
Tibbiyot fanlari doktori, professor. 2004-2012 yillarda kafedra mudiri
1946-2025

SHERMATOV RASULJON MAMASIDDIQOVICH
Tibbiyot fanlari nomzodi, dotsent,
2012-2013 yillarda kafedra mudiri
 
SULTANOV GAFURDJON NE’MATBEKOVICH
Tibbiyot fanlari nomzodi, dotsent
2013-2015 yillarda kafedra mudiri
 
Kafedrada Bakalavriat va Magistratura yo`nalishlari uchun  quyidagi fanlar o‘qitiladi: 
1.Farmakologiya
2.Farmakognoziya,
3.Farmasevtika ishini tashkil qilish,
4.Mutaxassislikga kirish,
5.Dori turlari texnologiyasi,
6.Ibn Sino tib qonunlari,
7.Manual terapiya,refleksoterapiya,fizioterapiya,
8.Davolovchi massaj va davolovchi jismoniy tarbiya,klinik farmakologiya,sharq tabobatida patologik sindromlar,tibbiyot kasbiga kirish fanlari o’qitiladi.
Kafedrada magistratura yo`nalishi bo`yicha talabalar taxsil oladi. 
 
XOLIQOVA  OYISTAXON YULDASHEVNA
Kafedra mudiri (PhD)
1971-yilda Andijon viloyati Marhamat tumanida tug‘ilgan. 1988–1993-yillarda Toshkent farmatsevtika oliygohida tahsil olgan. Mehnat faoliyatini 1994-yilda Marhamat tumanidagi dorixonalarda provizor/farmatsevt sifatida boshlagan, 1997–2006-yillarda “Eldorbek” dorixonasida provizor-texnolog bo‘lib ishlagan. 2006–2020-yillarda Farg‘ona shahridagi “Inter Farma Servis” x/k rahbari lavozimida faoliyat yuritgan. 2020-yil oktabrdan Toshkent tibbiyot akademiyasi Farg‘ona filiali “Epidemiologiya va yuqumli kasalliklar” kafedrasida assistent bo‘lib ishlagan. 40 dan ortiq respublika va xorijiy maqola hamda tezislar muallifi. “Tibbiy oliy ta’lim muassasalarida pedagog kadrlar kasbiy malakasini rivojlantirish metodikasi” mavzusida PhD darajasini olgan. Hozirda Xalq tabobati va farmakologiya kafedrasi mudiri lavozimida faoliyat yuritadi.

SARIMSAKOV MUXAMMADJALOL ISAQJONOVICH
Xalq tabobati va farmakologiya  kafedrasi  dotsenti

1966-yilda Farg‘ona viloyati Quvasoy shahrida tug‘ilgan. Toshkent farmatsevtika institutida tahsil olgan, 1984–1986-yillarda muddatli harbiy xizmatni o‘tagan. 1990–1993-yillarda Farg‘ona shahar 151-sonli dorixonada provizor bo‘lib ishlagan, 1993–1997-yillarda 52788-sonli harbiy qism tibbiy ta’minot bo‘limiga rahbarlik qilgan. Keyingi yillarda bir qator dorixonalarda mudir, RSHTIMFF dorixonasida mudir o‘rinbosari, 2009–2019-yillarda “Donish-farm” ko‘p tarmoqli xususiy korxonasi rahbari lavozimlarida faoliyat yuritgan. 2019-yildan Toshkent tibbiyot akademiyasi Farg‘ona filialida, 2020-yildan “Epidemiologiya va yuqumli kasalliklar” kafedrasida assistent sifatida ishlamoqda. 7 ta maqola va uslubiy ishlanma muallifi. “Xvoya o‘simligidan olingan emulsiyaning yallig‘lanish jarayoniga ta’siri” mavzusida ilmiy tadqiqot olib bormoqda.

 

 XASANBOYEVA NAFISA ABDULLAJONOVNA 
 Xalq tabobati va farmakologiya kafedrasi dotsenti
1971-yilda Farg‘ona viloyati Rishton tumanida tug‘ilgan. 1988–1993-yillarda Toshkent farmatsevtika oliygohida tahsil olgan. Mehnat faoliyati davomida Farg‘ona viloyat bolalar shifoxonasi ichki dorixonasida provizor, turli dorixonalarda ximiko-analitik hamda provizor lavozimlarida ishlagan. 2006–2015-yillarda Farg‘ona tibbiyot kollejida farmakologiya fanidan o‘qituvchi bo‘lib faoliyat yuritgan, 2015–2019-yillarda “Vodiy Doston Farm” va “Farg‘ona Grand Farm” xususiy dorixonalariga mudirlik qilgan. 2020-yil sentyabr oyidan Toshkent tibbiyot akademiyasi Farg‘ona filiali “Epidemiologiya va yuqumli kasalliklar” kafedrasida assistent lavozimida ishlab kelmoqda. 4 ga yaqin maqola va tezislar muallifi. “Xvoya o‘simligidan olingan sirtga qo‘llaniladigan gelning yallig‘lanish jarayoniga ta’siri” mavzusida ilmiy tadqiqot olib bormoqda.

RAXIMOVA XUSNIDAXON ABDUKARIMOVNA 
Xalq tabobati va farmakologiya kafedrasi dotsenti
1972-yilda Farg‘ona viloyati Furqat tumanida tug‘ilgan. 1990–1995-yillarda Toshkent farmatsevtika institutining farmatsiya yo‘nalishini imtiyozli tamomlagan. 1995–1999-yillarda Furqat tumani markaziy shifoxonasi dorixonasida analitik-provizon lavozimida ishlagan. 2000–2019-yil avgustgacha 2-Farg‘ona tibbiyot kollejida farmakologiya fani o‘qituvchisi hamda metodist sifatida faoliyat yuritgan. 2019–2021-yillarda “Elomon-Pharm” xususiy dorixonasida mudir bo‘lib ishlagan. 2021-yil sentyabr oyidan Farg‘ona jamoat salomatligi tibbiyot institutida farmakologiya fani assistenti (hozirda: Xalq tabobati va farmakologiya kafedrasi dotsenti) lavozimida faoliyat yuritmoqda. 40 ga yaqin ilmiy maqola va tezislar muallifi. “Atsiklovirning 200 va 400 mg tabletkalarining yangi tarkibi va texnologiyasi” mavzusida ilmiy tadqiqot olib bormoqda.
QALANDAROVA MATLYUBA XODJIAKBAROVNA  
Xalq tabobati va farmakologiya kafedrasi katta o’qituvchisi

1960-yilda Farg‘ona viloyati, Farg‘ona shahrida tug‘ilgan. 1978–1984-yillarda Andijon davlat tibbiyot institutida tahsil olgan. 1984–1985-yillarda Farg‘ona viloyat bolalar ko‘p tarmoqli tibbiyot markazida pediatr, 1985–1989-yillarda bolalar ko‘p tarmoqli tibbiyot poliklinikasida uchastka shifokori bo‘lib ishlagan. 1989–2002-yillarda Farg‘ona viloyat yuqumli kasalliklar shifoxonasida vrach-laborant, 2002–2004-yillarda Farg‘ona shahar shifoxonasida laboratoriya mudiri lavozimida faoliyat yuritgan. 2004–2021-yillarda Farg‘ona viloyat stomatologiya muassasasida vrach-laborant bo‘lib ishlagan. 2021-yil 6-sentabrdan Farg‘ona jamoat salomatligi tibbiyot institutining Farmakologiya kafedrasida assistent lavozimida faoliyat yuritmoqda. Ilmiy-uslubiy faoliyati davomida 8 ta maqola, 2 ta monografiya va 1 ta o‘quv qo‘llanma muallifi. Hozirda stomatologiya fakulteti talabalari uchun “Xalq tabobati” fanidan darslik tayyorlamoqda. Talabalar bilan hamkorlikda 5 ta tezis tayyorlangan hamda “Surunkali gepatitlarda zirk o‘simligining dorivor xususiyatlari” mavzusida ilmiy tadqiqot olib borilmoqda.

 

MAXAMATOVA UMIDAXON RAXMONJONOVNA
     “Xalq tavobati va Farmakologiya”kafedrasi assistenti
1980-yilda Farg‘ona viloyati, Farg‘ona shahrida tug‘ilgan. 1997–2002-yillarda Toshkent farmatsevtika institutining “Farmatsiya” yo‘nalishini tamomlagan. 2003–2008-yillarda Farg‘ona shahar 1-tibbiyot kollejida “Dori turlari texnologiyasi” fanidan o‘qituvchi lavozimida ishlagan. 2015-yilda Farg‘ona davlat universitetida pedagogika yo‘nalishi bo‘yicha ta’lim olgan. 2015–2020-yillarda Jizzax viloyati, Jizzax shahridagi Abu Ali ibn Sino nomidagi tibbiyot texnikumida “Dori turlari texnologiyasi” fanidan o‘qituvchi bo‘lib faoliyat yuritgan. 2025-yil mart oyidan Farg‘ona jamoat salomatligi tibbiyot instituti “Xalq tabobati va farmakologiya” kafedrasida assistent lavozimida faoliyat olib bormoqda. Maxamatova U.R. 5 ga yaqin ilmiy maqola va tezislar muallifi. Ayni paytda 150001 “Dori turlari texnologiyasi” yo‘nalishi bo‘yicha “Oftalmologik kasalliklarda ko‘z tomchilari tayyorlash texnologiyasi” mavzusida mustaqil izlanuvchi sifatida ilmiy izlanish olib bormoqda.

 

Xalq tabobati va farmakologiya kafedrasining o‘quv va o‘quv-metodik ishlariXalq tabobati va farmakologiya kafedrasining o‘quv va o‘quv-metodik ishlari

Dars jarayonlari talabalar bilimini, amaliy ko’nikmalarini oshirishi uchun kafedraga tegishli dorixonalar, o’quv xonalari, o’quv bazalarida o’tkaziladi.

Kafedraga qarashli farmatsiyaning bakalavriat yo‘nalishi IAAR — Independent Agency for Accreditation and Rating (Akkreditatsiya va reytingning mustaqil agentligi) ekspertlar guruhi tomonidan xalqaro akkreditatsiyadan muvoffaqiyatli o’tdi.

Tashrif davomida xalqaro ekspertlar o‘quv jarayonlari, auditoriyalar, laboratoriyalar hamda klinik amaliyot bazalarining holatini o‘rgandilar.

O‘qitish tizimi quyidagi tasdiqlangan hujjatlar bo‘yicha olib boriladi:
- Kasbiy tavfsifnoma
- Davlat standarti;
- Fan dasturi;
- Sillabus;
- Тa’lim texnologiyalaridan
An’anaviy texnologiyalar: ma’ruza, suhbat, tushuntirish, savol-javob, ko‘rgazmali usullar
Interfaol texnologiyalar:“Aqliy hujum”, “Klaster”,“Baliq skeleti”,“Insert”,“Debat”, “Rolli o‘yinlar”
Axborot-kommunikatsion texnologiyalar (AKT): мультимедия taqdimotlari,onlayn platformalar, test dasturlari,virtual laboratoriyalar
Innovatsion texnologiyalar: problemali ta’lim, loyihaviy ta’lim, modulli ta’lim, kompetensiyaga yo‘naltirilgan ta’lim texnologiyalaridan dars jarayonlarida samarali foydalaniladi.
- O‘zR SSV №80 buyrug‘iga asosan o‘zgartirishlar;
- tasdiqlangan tashxis standartlari;
- xalqaro tavsiyalar.
Kafedra xodimlari tomonidan tarqatma materiallar, mulyajlar, slaydlar, video darslar yaratilgan bo‘lib, unda reja bo‘yicha amaliy ko‘nikmalarni bosqichma-bosqich o‘rganish aks ettirilgan.

Кutubxonada  kafedra professor- o’qituvchilari tomonidan tayyorlangan ingliz, o‘zbek va rus tillaridagi 10 dan ortiq o‘quv adabiyotlar mavjud. Elektron kutubxona darslik, atlaslar, o‘quv qo‘llanmalar, o‘quv-uslubiy qo‘llanmalar va boshqalarni o‘z ichiga oladi.

Kafedra ma’naviy-ma’rifiy ishlari

Yosh avlodga g‘amxo‘rlik qilish, sog‘lom va barkamol shaxsni tarbiyalash — o‘zbek xalqining milliy qadriyatlari va hayot falsafasining muhim jihatlaridan biridir. Shu boisdan, ma’naviy-ma’rifiy ishlar Farg‘ona jamoat salomatligi tibbiyot Instituti Xalq tabobati vba Farmakologiya kafedrasi faoliyatining asosiy yo‘nalishlaridan biri hisoblanadi. Kafedrada ma’naviy-ma’rifiy faoliyatlar tasdiqlangan yillik reja asosida tizimli ravishda amalga oshiriladi. 

Xalq tabobati va farmakologiya kafedrasining ilmiy-tadqiqot ishlari

 “Xalq tabobati va farmakologiya” kafedrasida professor-o‘qituvchilar kafedra va universitet miqyosidagi ilmiy-tadqiqot ishlarida faol ishtirok etib kelmoqdalar. Hozirda kafedrada 1 nafar PhD (Xoliqova O.Yu) hamda 7 nafar mustaqil izlanuvchi ilmiy izlanish olib bormoqda. Ilmiy-tadqiqot yo‘nalishlari yosh avlodni mustaqillik g‘oyalariga sadoqat ruhida tarbiyalash, huquqiy madaniyatni shakllantirish, zamonaviy tibbiyotning falsafiy masalalari va O‘zbekiston davlatchiligi tarixining ayrim jihatlarini qamrab oladi. 
So‘nggi 3 yilda kafedra professor-o‘qituvchilari tomonidan 300 dan ortiq ilmiy ishlar nashr etilgan: 2 ta darslik, 15 ta o‘quv qo‘llanma, 40 ta monografiya, shuningdek respublika va xalqaro jurnallarda 200 dan ortiq maqola chop etilgan. Xodimlar konferensiyalarda faol qatnashadi, talabalar ham ilmiy ishlarga jalb etilib, maqolalar yozish, konferensiyalar hamda fan olimpiadalarida ishtirok etib sovrinli o‘rinlarni egallab kelmoqdalar.

Xalq tabobati va farmakologiya kafedrasida faoliyat yuritadigan to‘garaklar

Sharq tabobati

 Klinik fikrlashga doir video darslar 

Video darslarni ko'rish uchun mavzuni tanlab ustiga bosing.​
  1. Coagulation
  2. Platelet Activation
  3. Hypercoagulable States
  4. Coagulopathies
  5. Platelet Disorders
  6. Antiplatelets
  7. Anticoagulant Drugs
  8. Hemolysis Basics
  9. Extrinsic Hemolysis
  10. Intrinsic Hemolysis
  11. Microcytic Anemias
  12. Thallassemias
  13. Sicle Cell Anemia
  14. Other Anemias
  15. Blood Groups
  16. Acute Leukemias
  17. Chronic Leukemias
  18. Hodgkin Lymphoma
  19. Non Hodgkin Lymphoma
  20. Plasma Cell Disorders
  21. Amyloidosis
  22. Myeloproliferative Disorders
  23. Antimetabolites
  24. Alkylating Agents
  25. Antitumor Antibiotics
  26. Microtuble Inhibitors
  27. DNA Drugs
  28. Other Cancer Drugs
  29. Porphyrias

​

Foydali manbalar

Sayt materiallaridan foydalanganda, Farg`ona jamoat salomatligi tibbiyot instituti rasmiy web saytiga havola ko'rsatilishi shart Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing yoki sayt adminiga yuboring.

©iTeach Soft Group 2021 FARG`ONA JAMOAT SALOMATLIGI TIBBIYOT INSTITUTI.