Onalarga ehtirom

Tibbiy profilaktika va jamoat salomatligi fakultetida “Onalarga ehtirom” nomli badiiy-ma’rifiy tadbir tashkil etildi. Tadbirning asosiy maqsadi onalik institutining ijtimoiy ahamiyatini yoritish, onalarning farzand tarbiyasi hamda jamiyat hayotidagi rolini e’tirof etish, shuningdek talabalarda oilaviy qadriyatlarga hurmat va mas’uliyat hissini mustahkamlashdan iborat bo‘ldi. Tadbirda talabalarning onalari, fakultet mas’ullari, professor-o‘qituvchilar hamda taklif etilgan mehmonlar ishtirok etdi. Tadbir davomida so‘zga chiqqanlar tomonidan onalarga nisbatan hurmat va minnatdorlik ifoda etilib, ularning mehr-muhabbati, sabr-toqati va fidoyiligi tarbiyaviy jarayondagi muhim omillar sifatida qayd etildi.

Badiiy-ma’rifiy qism doirasida talabalar tomonidan sahna ko‘rinishlari, she’riy kompozitsiyalar va musiqiy chiqishlar namoyish etildi. Ushbu chiqishlar orqali onaga ehtirom, farzandlik burchining ma’naviy-axloqiy mohiyati hamda oila institutining jamiyat barqarorligidagi o‘rni konseptual jihatdan yoritib berildi. Tadbir yakunida ishtirokchi onalarga ehtirom ko‘rsatilib, samimiy tilaklar bildirildi. Mazkur badiiy-ma’rifiy kecha ishtirokchilarda ijobiy psixologik-emotsional ta’sir uyg‘otib, talaba-yoshlar orasida ota-ona qadri, oila muqaddasligi va milliy-ma’naviy qadriyatlarga hurmat tuyg‘ularini yanada kuchaytirishga xizmat qildi.